【容祖兒演唱會】草蜢爆Joey行山小秘密　祖兒驚喜發現「容姨」譚倩紅捧場

容祖兒第15場演唱會《Prett Crazy》昨晚舉行，休息一天後的祖兒狀態大勇，跟嘉賓草蜢大跳勁舞，草蜢三子又爆祖兒平時行山的一個瘋狂舉動，令祖兒笑不攏嘴。

每晚嘉賓環節，都令觀眾期待，祖兒用「昆蟲」來形容：「有三隻，有一個跳舞跳到開學校，有個跳到頭髮長過我，有個跳到扭下擰下遲d 重自己開演唱會，有佢地地方好似開party咁開心，有我地方點少得佢地，大家要用熱烈掌聲歡迎佢地。」

祖兒先與草蜢合唱〈失樂園〉，繼而再因為祖兒點唱，再合唱〈ABC〉，傑仔問祖兒，為乜點唱〈ABC〉，祖兒就笑話，「我鐘意囉，好聽囉，開心囉。」

▲ 祖兒請櫻任蔡一傑嘉賓。（圖片：EEG）

台上四人聊天，祖兒恭喜傑仔即將開個人演唱會，還熱情表示：「你個演唱需唔需要請嘉賓？」傑仔尷尷尬尬反問:「我有個空缺，你想不想做和音？」祖兒呆一呆：「我唔熟喎。」傑仔再開口：「 我諗下.....」祖兒聽到「諗下」即刻大笑，傑仔即解釋:「我唔係推你，你來我絕對歡迎，大家記住來睇啦，有祖兒呀。

蘇老闆說：「佢話佢好難得掉低我地兩個自己玩呀。」祖兒: 「梗係啦你咁忙，又開公司，又幫我造衫，你老婆又咁紅，全港最紅KOL！恭喜呀，你唔駛做啦。」

這時祖兒突然諗起阿智未出過聲：「阿智都未講嘢，通常阿智講野最有智慧。」

阿智稱：「咁我爆少少祖兒crazy嘢，有一次去行山，路線圖好崎嶇，有一段要行落馬路，我心想她貴為天后怕不怕，誰知她竟然很雀躍，在馬路上面單腳彈，好開心，稱咁大個女未試過係馬路行，好crazy，我幾驚佢比大巴士撞。」

▲ 祖兒發現譚倩紅也捧場。（facebook圖片）

祖兒今日在facebook上載短片，原來她驚喜發現資深演員譚倩紅捧場，祖兒留言：「真係容姨呀！我我喺上面一路唱一路望一路諗，幻覺嚟咖姐，容姨無理由識我咖，不過唱到最後一首歌，我就好肯定嘞。我地仲握握手添。」

她又寫：「我到了80歲嘅時候都會係容姨咖啦播，如果到時仲可以咁精靈一定繼續開騷驚你唔嚟咋，祝譚善紅姨姨身壯力健每日平安快樂」